လူမှုရေး နှင့် ပညာရေးဆိုင်ရာ အကျိုးပြု စီးပွားရေးလုပ်ငန်းတစ်ခုဖြစ်သော ဝါဆိုလန်းသည် မြန်မာတစ်နိုင်ငံလုံးရှိ အခြေခံပညာကို လေ့လာဆည်းပူးလိုသူတိုင်းအတွက် အလွယ်တကူ အသုံးပြုလေ့လာနိုင်သော လက်စွဲ အက်ပလီကေရှင်း ဖြစ်လာစေရန် ရည်မှန်းထားပါသည်။ ​
ဝါဆိုလန်း စတင် အသုံးပြုနိုင်ချိန်မှ စပြီး ဝါဆိုလန်းသည် မြန်မာတစ်နိုင်ငံလုံးရှိ ဆရာဆရာမများ လူမှုအကျိုးပြုလုပ်ငန်းများဖြစ်သော ဘုန်းတော်ကြီး ပညာသင်ကျောင်းများ၊ ပရဟိတကျောင်းများ၊ မိဘမဲ့ဂေဟာများနှင့် မျက်မမြင်ကျောင်းများမှ အခြေခံပညာသင်ယူလိုသူတိုင်းအတွက် ဝါဆိုလန်းအတန်းများကို အခမဲ့လေ့လာနိုင်စေရန် စီစဉ်လှူဒါန်းပေးလျက်ရှိပါသည်။ လက်ရှိတွင် ဆရာဆရာမများအတွက် တန်ဖိုးငွေ (၆၆၁၅၀၀၀) ကျပ်ဖြင့် ညီမျှသော အတန်းများ၊ ဘုန်းတော်ကြီးပညာသင်ကျောင်းများအတွက် တန်ဖိုးငွေ (၁၈၇၂၀၀၀) ကျပ်ဖြင့်ညီမျှသော အတန်းများ၊ စုစုပေါင်း တန်ဖိုးငွေ (၈၄၈၇၀၀၀) ကျပ်ကို လှူဒါန်းထားခဲ့ပြီးဖြစ်ပါသည်။​

* မြန်မာနိုင်ငံတစ်ဝှမ်းရှိ ပရဟိတစာသင်ကျောင်းများ၊ ဘုန်းတော်ကြီးသင်ပညာရေးကျောင်းများ၊ ပညာရေးနယ်ပယ်မှဆရာ၊ ဆရာမများနှင့် အမြင်အာရုံချို့ယွင်းသူများအတွက် ဝါဆိုလန်းမှ အတန်းများကိုအလှူခံနိုင်ပါသည်။ ​
* တစ်ဆင့်ပြန်လည်လှူဒါန်းလိုသူများလည်းဆက်သွယ်နိုင်ပါသည်။​

KG မှ Grade-12 အထိ အတန်းတိုင်းအတွက် အင်္ဂလန်မှ ဆရာနှင့် ဆရာမမှ ဖတ်ပြထားသော သင်ရိုးညွှန်းတမ်းပါ အင်္ဂလိပ်စာသင်ခန်းစာများကို အခမဲ့ လေ့လာနိုင်ရန် စီစဉ်ထားပါသည်။ Native Speaker ဆရာနှင့်ဆရာမများ၏သင်ခန်းစာများ ဖတ်ပြထားသည်ကို နားထောင်ခြင်းအားဖြင့် အကြားစွမ်းရည်နှင့် အသံနေအသံထားမှန်မှန်ဖြင့် အပြောစွမ်းရည်တိုးတက်စေရန် ရည်ရွယ်ထားပါသည်။